☄️打卡熱點: 火星Cafe☄️
-
係深圳華強北，有間網紅cafe💕 初頭係比佢啲甜品吸引，估唔到店內環境都好靚！店中間有個用沙堆成嘅小山丘⛰，而枱係用月球表面嘅圖案設計而成。成間cafe以黑，白，灰依三種顏色為主，感覺型格得黎帶點冷清，有置身外太空嘅感覺👨🏽🚀
-
紅絲絨樹莓窩夫餅(rmb 38) 個賣相超吸睛，用鮮忌廉做到好似瀑布咁😍 由於窩夫係即叫即整，所以黎個陣熱辣辣，外層微脆，入面非常鬆軟！配埋上面嘅士多啤梨粒同果醬🍓，整體酸酸甜甜，完全冇膩嘅感覺！忌廉好香牛奶味，食落輕盈順滑😋成個甜品甜度啱啱好，偏向冇咁甜，一啲都唔heavy!
朱古力流心(rmb 28) 店員話依款甜品係冷流心，即係上層會有朱古力忌廉，一切落去啲忌廉就由中間流出。依個比一般嘅心太軟冇咁膩，而且係凍食！蛋糕軟綿而且幾濃朱古力味。忌廉同樣唔會太甜，而上面嘅脆脆增加左成個甜品嘅口感🥰
-
整體依間cafe打卡一流，而且甜品質素幾高，cp值爆燈💡 大家去開深圳不防黎依到打一打卡😉 如果想🍔繼續介紹深圳美食，記住比個like👍🏽支持下喇！
-
Marspace Coffee 火星咖啡
深南中路世纪汇购物中心一层(華強路站B出口) @ 火星咖啡 Marspace Coffee
Search